بحر الحياة ياغدار واحنا لفين رايحين
شايل معاه الأسرار واحنا معاه ماشيين
أيام تفوت وتروح واحنا ولا حاسين
أحلام تعيش وتموت ياقلوبنا ياخايفين
الطير بيهاجر وبيرجع
الشمس بترحل وبترجع
الدنيا بتاخد وبتدي
الليل لو طول حيعدي
دي ليالي بنحلم وتعبنا
ورجعنا لوحدنا بعذابنا
حاول تتغير
ومسيرك تقدر
وبلاش نستلم يوم للحزن مادام عايشين
بحر الحياة ياغدار واحنا لفين رايحين
شايل معاه الأسرار واحنا معاه ماشيين
أيام تفوت وتروح واحنا ولا حاسين
أحلام تعيش وتموت ياقلوبنا ياخايفين
لو ينسى الواحد أحزانه حيشوف الورد وألوانه
لو نفتح للدنيا قلوبنا حتدق الأحلام على بابنا
دي ساعات الدنيا بتوعدنا
ونقرب منها وتبعدنا
حبها من قلبك
حبها حتحبك
اضحك للدنيا الفرحه حتيجي في غمطة عين
بحر الحياه ياغدار ... الدنيا لسه بخير
شايل معاه الأسرار ... في حياتنا لسه كتير
أيام تفوت وتروح ... بكره حيجي أكيد
أحلام تعيش وتموت ... حيجينا حلم جديد
الدنيا لسه بخير
في حياتنا لسه كتير
بكره حيجي أكيد
حيجينا حلم جديد
---------------------------
بحر الحياة - منير
17 التعليقات:
موضوع مهم
واختيار ررروعة
تسلمى علية
تحياتى
احنا عاملين زي اللي نزلوا بحر الحياهوهم اساسا مش بيعرفوا يعوموا
اهئ اهئ
احلى حياه
احلى حياه
هى اللى احنا بنعشها مع حبيب
احلى حياه هى اللى بتقرب البعيد
وهى الحب وهى الحياه
مع اللى نتمناه
من اجمل ما غنى منير على فكرة :)
الأغنية فيها حاجات ومعانى حلوة كتيرة
تحياتى :)
يااااااااااااااه
اغنية روعة لمنير
كل اغانيه روعة فعلا
تامر نبيل ...
فعلا موضوع مهم جدا وكلمات بتمسنا كلنا
ميرسي اوي :)
عاشقه وغلبانه ...
بس مانزلناهوش بمزجنا ولا باختيارنا
عشان مش لازم نندم ولا نعيط
:D
ميرسي اوي على المرور والتعليق :)
رومانسي ...
عندك حق جدا في اللي قلته
اكيد حياه بالمواصفات دي حتبقى حياه حلوه
بس مش حتبقى أحلى حياة إلا برضا ربنا وحبه
ربنا يكرم المسلمين أجمعين ويرزقهم كلهم أحلى حياة بالشكل دا :)))
فوكسولوجي ...
بالضبط
الكلمات معانيها حلوه اوي فعلا
واحلى ما فيها انها حياتيه وواقعيه جدا تقريبا بتمسنا كلنا
ميرسي على المرور والتعليق :)
بوني ...
ميرسي على زيارة المدونه
واتمنى تتكرر إن شاء الله :)
عاشقه وغلبانه ...
قصدي اقولك
عشان كده* مش لازم نندم ولا عيط
:D:D
المشكلة ان الطير لما بيهاجر بيرجع مغير ريشه و يمكن كاسر جناحه
و يمكن يرجع ميعجبهوش عشه
اصل بحر الحياة واسع
و مش كلنا عوام
و عجبي
اوروفوار
احلى حياة عندما مع من تحب وبحبونك
تحياتى ليكى
دمتى بكل ود
شخابيط mahgoub
طهقانه ...
متهيالي مش دايما، ساعات وساعات
بشكل عام انا مش من انصار التعميم
اوروفوارك معاكي ياحبيبتي
:D:D
نورتيني ياجميله :)))
شخابيط محجوب ...
احلى حياة فعلا اللي بتكون مع من تحب ويحبونك برضا ربنا وحبه والاجتهاد في طاعته وارضائه :)
ميرسي جدا على المرور والتعليق :)
أحلى حياة هيه اللى ربنا يقرب فيها منا
ويسمحلنا إننا نقرب منه وبخلى حبه يملى قلوبنا
fatoma ...
ربنا دايما قريب مننا "ونحن أقرب إليه من حبل الوريد"
احنا اللي محتاجين نقرب ونحبه بصدق واخلاص سبحانه وتعالى
ربنا يهدينا ويكرمنا جميعا والمسلمين أجمعين
نورتيني ياجميله :)))
إرسال تعليق