الاثنين، فبراير ١١، ٢٠١٣

.. خاطرة


عارف لما حاجة تحصل من سنين تقهرك أوي وتوجعك أوي وتخليك تعيط بحرقة أوي أوي أوي طول الليل ولمدة ليالي كثيرة وبعدين تيجي تكتشف بعد السنين دي أنها ماكانتش الحاجة الأحسن ليك ولا حاجة وتيجي تفتكر دلوقتي بعد ما اتأكدت ان مش دا اللي كنت عايزه، بل بالعكس، أصلا ماكنتش حتطيقه ولا تستحمله لو كان فضل الشيء دا مكمل معاك لدلوقتي !! .. تيجي تفتكر دا كله وتفكر في كدا دلوقتي، حقيقي ساعتها مابتبقاش عارف تعمل ايه غير إنك تقول ومن قلبك أوي (أيوه من جوه أوي أوي كدا) الحمد لله رب العالمين! .. اللهم لك الحمد كما ينبغي لجلال وجهك وعظيم سلطانك! .. اللهم دائما وأبدا دبر واختر لي فإني لا أحسن التدبير والاختيار يا رب العالمين يا أرحم الراحمين..آمين 
سبحانك يا عالم الغيب يا مدبر الأمر .. سبحانك يا علام الغيوب .. سبحانك يا من تعلم الخير والأصلح والأنفع لي مني .. سبحانك يا أعلم بي وبحالي مني .. سبحانك يا ربي يا رحيم يا كريم ما أرحمك .. سبحانك يا ربي ما أكرمك .. سبحانك يا ربي ما أحلمك .. سبحانك يا حبيبي يا من ليس لي سواك! ه
كن لي دائما وأبدا يا حبيبي ولا تكلني إلى نفسي طرفة عين ولا أقل من ذلك فأهلك ولا إلى الناس فأضيع! .. ه
سبحانك ربي ولا حول ولا قوة إلا بك! .. ه

0 التعليقات: